MÉRCORES 29 DE ABRIL

Bo día. Metade de semana que o venres é FESTIVO e o luns tampouco había clase, era un día escollido polo centro. Así que imos comezar coas actividades de hoxe.

MATEMÁTICAS

Os pongo las soluciones de los ejercicios del repaso acumulativo de ayer.

Y sí, efectivamente como dijo Alejandra ayer, el hexágono NO ES REGULAR, es un polígono de 6 lados pero puede ser irregular como este.

Hoy os pongo en Google Drive una fotocopia de lógica y unos ejercicios del mismo repaso de ayer, página 145

Lógica 5

CIENCIAS SOCIAIS

Ben, imos seguir con EUROPA. Temos que coñecer algúns elementos do RELEVO. Nás páxinas 34, 35, 36 e 37 se dan as unidades de relevo principais. NON TEDES QUE SABER TODOS OS NOMES nin moito menos, pero para facelo vinculado a Eurovisión, póñovos un exercicio máis divertido 😁😁😁

O seguinte traballo é que collades o MAPA FÍSICO MUDO que tamén está en Google Drive

MAPA FÍSICO MUDO DE EUROPA

Sabedes os puntos cardinais: Norte, Sur, Leste e Oeste. Pois ben, vouvos dicir as 4 cidades que celebraron algunha vez Eurovisión e que supoñen os lugares máis alonxados no mapa, isto é, a que está máis ao norte, ao sur, ao leste e ao Oeste. Tedes que buscalas en Google Maps ou calqueira aplicación xeográfica e marcalas no mapa cun puntiño. Son as seguintes:

• NORTE: Bergen (Noruega) - Festival de 1986
• SUR: Atenas (Grecia) - Festival de 2006
• LESTE: Bakú (Azerbaixán) - Festival de 2012
• OESTE (fácil): Lisboa (Portugal) - Festival de 2018

En realidade a cidade máis ao Sur que celebrou Eurovisión non é Atenas, xa que sabedes que ISRAEL participa tamén en Eurovisión, pero non o consideramos un país europeo. A súa capital, Xerusalén, sería a cidade máis meridional (acordávdesvos destas palabras?) que acolleu o Festival, dúas veces, en 1979 e 1999. E o ano pasado Israel tamén celebrou o Festival, pero un pouquiño máis ao norte, en Tel Aviv.

Entón... continuemos. Unha vez situadas as 4 cidades tedes que unir cunha liña recta o Norte co Sur (Bergen - Atenas) e o Leste co Oeste (Bakú - Lisboa). E para que estudar o relevo non vos resulte tan cansino como para facelo polo libro, teredes que ir mirando que atravesan esas liñas: mares, cordilleiras, golfos, chairas, penínsulas... Intentádeo!! Se estivésemos no cole faríadelo en murais xigantes para p oñer polos corredores (aínda teño os de 2018). Por exemplo, Bakú está situada nas beiras do Mar Caspio (que non é un mar, é un LAGO) e dende aí atravesamos a cordilleira do Cáucaso, o Mar Negro... etcétera. Tedes que facelo vós!! 😎😎

Podedes ter como referencia o libro de texto, mirar en Internet, un atlas que teñades en casa, o que vexades. Este traballo será o mesmo HOXE E MAÑÁ, e como non hai Sociais ata o mércores que vén tedes UNHA SEMANA PARA FACELO. Sacádelle unha foto ao mapa que fagades e mo enviades, a ver que tal se vos da. Déixovos outra ligazón a outro mapa físico sen cor, por se vos resulta máis doado. E tamén outra a dous xogos de relevo con mapas interactivos, para que non sexa todo tan "intelectual". Trato de que aprendades divertíndovos.

Mapa físico mudo de Europa sen cor

Xogo relevo de Europa

Xogo relevo litoral de Europa

E agora... unha pequena sorpresa!!

Este vídeo graveino no verán de 2017 nunha desas viaxes miñas por Europa adiante. É un lugar moi visitado do Norte de Europa e xusto esa liña que tedes que facer entre Bergen e Atenas pasaría moi pretiño de aquí. Graveino para os nenos e nenas de 6º de hai dous cursos, eles vírono e aí vos conto que estou nun lugar que ten unha significación importante na Xeografía europea, algo así como dicir que chegas a Fisterra ("a fin do mundo") ou a Tarifa e só tes o estreito de Xibraltar para cruzar a África. Identificades onde é polo que conto no vídeo? Seríades capaces de situar ese sitio no mapa que vos deixei? Agardo que si!!

LINGUA GALEGA

Ben, hoxe usamos o libro: Ortografía, a coma e os dous puntos, páxinas 154-155. Exercicios 3-4, páxina 155 e 5 páxina 158.

CIENCIAS NATURAIS

Por último, uns exercicios de repaso sobre o Power Point que colguei a semana pasada. Seica algunhas persoas non puideron abrilo... Pasouvos a moitos? Está feito en Libre Office, estaba moi animado e incluso cun vídeo da "Pantera Rosa" ao final. Agardo que poidades solucionalo para velo porque é chulo. Se non podedes, NON PASA NADA. 

Hoxe, como xa sei que non tedes o libro, póñovos dous exercicios copiados del aquí, intentade facelos se tedes a información do Power Point, se non, pois insisto, NON PASA NADA, contra determinadas situacións tecnolóxicas non podemos loitar.

E xa máis nada. O máis importante É O MAPA, intentádeo facer o mellor que poidades e sacades unha foto e mo enviades cando estea rematado.

Para entretervos un pouco e en relación coas bandeiras europeas, algúen sabe a resposta ao logo de Eurovisión deste ano? Ninguén dixo nada!!! Xa postos... saberíades dicir de que país é a seguinte bandeira? Nela está representado o monte máis alto dese país, o Tr***** 😊😊