XOVES 16 DE ABRIL

Ola, bos días!! Xa sabedes que os xoves tedes FRANCÉS e envío o traballo por correo electrónico ás vosas familias, así que alí o tedes.

LINGUAS GALEGA E CASTELÁ

Si. Unha actividade conxunta para as dúas linguas, xa veredes por que. Hoxe regálovos un vídeo no que dou unha explicación de algo que quedou a medio ver antes do confinamento. Recordades que comezáramos a explicar as partes dunha oración, en concreto o suxeito e o predicado? Poi ocurríuseme facer este vídeo que me costou moitas horas... moitas!!! Porque primeiro pesaba moito, tiña que comprimilo, non mo aceptaba ningún programa e ao final atopei o xeito de facelo e... AQUÍ ESTÁ!!! (Incluso con sons de whats app, que chegaban mensaxes ao móbil) 😂😂😂😂

O contido que tedes que saber é distinguir o suxeito e o predicado en diferentes oracións. No vídeo está a explicación e o exercicio que vos mando hoxe.

CIENCIAS SOCIAIS

Onte falamos dos climas de España. E agardo que identificárades os climas con localidades do noso país onde podemos atopalos. Por exemplo:

• Oceánico: A Coruña, Xixón, Santander, Donosti-San Sebastián...
• Mediterráneo de interior: Zamora, Teruel, Madrid, Toledo...
• Mediterráneo litoral: Málaga, Castellón, Tarragona, Palma de Mallorca...
• Mediterráneo seco: Almería, Lorca, Cartaxena...
• Subtropical: As Palmas de Gran Canaria, Arrecife (Lanzarote), A Laguna (Tenerife)
• Montaña: Jaca (Huesca), Roncesvalles (Navarra)... non hai ningunha capital de provincia situada nunha altitude considerable para dicir que ten clima de montaña. A cidade máis alta de España é Ávila (1.132 m)

Hoxe propóñovos facer no caderno un CLIMOGRAMA. Xa fixemos algún en 5º. Recordade: gráfico de temperaturas (liña vertical dereita) e de precipitacións (liña vertical esquerda) de cada mes (liña horizontal)  dunha localidade concreta para saber qué tipo de clima ten.

Agora póñovos os datos de cada mes e construides a gráfica, en columnas azuis as precipitacións e cunha liña vermella as temperaturas (os datos de precipitación aparecen repetidos nas dúas fotos). Podedes guiarvos polos exemplos que hai no tema do libro.

Unha vez feito, intentade averiguar a qué tipo de clima pertence. Douvos unhas preguntas para que vos guíen:

a) Que meses teñen as precipitacións máis abundantes? E cales menos?

b) Que diferencia hai entre a temperatura do mes máis alta e a do mes máis baixa?

c) En que estación do ano son as temperaturas máis altas?

d) O total de precipitacións pasa de 1000 l/m2?

Con toda esta información podedes deducir claramente a que tipo de clima pertencen estes datos. A semana que vén vos poño como quedaría o gráfico.

MATEMÁTICAS

Vamos con las soluciones de los dos ejercicios de ayer

Y hoy hacéis algunos problemas de la página 143 del libro, los que os pongo aquí

PROPOSTA DE BIBLIOTECA. DÍA DO LIBRO

Como sabedes, o vindeiro día 23 de Abril é o Día Internacional do Libro e sempre o conmemoramos no colexio. Desta volta lóxicamente farémolo dun xeito especial. Dende Biblioanxo, Olliños vos propón que saquedes unha foto do libro que estades a ler ou dun que lerades hai pouco, que se vexa o título e lle poñades pegado un "post-it" co voso nome e o curso, e se queredes tamén podedes sair vós na foto. Un exemplo sería este:

Podedes enviarmas ao meu correo. Logo Celia elaborará un mural coas fotos de todo o colexio.

E nada máis por hoxe. Mañá xa é venres, pasan pronto os días, xa queda menos!!! E hoxe acordámonos delas e deles, que son os verdadeiros heroes e heroínas desta pandemia.